సెలబ్రటీస్‌కి ఉన్న క్రేజ్‌ అంతా ఇంతా కాదు. వీళ్ళు ఏ చిన్న పని చేసినా పెద్ద రేంజ్‌లో పేరు వచ్చేస్తుంది. ఫ్లాప్‌ ఓపెనింగ్స్‌ చేయించడం, వీళ్ళనే అంబాసిడర్స్‌గా పెట్టుకొని వ్యాపారులు తమ మార్కెట్‌ని పెంచుకోవటం వంటివి చూస్తూనే ఉన్నారు. సెలబ్రెటీస్‌ అంటే ఎవరు?

  • కళా రంగానికి సంబంధించిన వారు
  • రాజకీయ నాయకులు
  • స్పోర్ట్స్‌ పర్సన్స్‌

గుడిలో దేవుడి దర్శనానికైనా శ్రద్ధతో వెళతారో లేదో కానీ ఫలానా సెలబ్రెటీ ఏ షాప్‌ ఓపెనింగ్‌కో, ఏ సభకో స్పెషల్‌ గెస్ట్‌గా వస్తున్నారు అని తెలిస్తే మాత్రం జనాలు ఎంతో ఆసక్తిగా వెళతారు. వీళ్ళ లైఫ్‌స్టైల్‌ ఎంతో ”రిచ్‌”గా వుంటుంది. ఖాళీ దొరికినపుడు ఏ న్యూస్‌పేపర్‌కో, టి.వి. ఛానల్స్‌కో ఇంటర్వ్యూలు ఇస్తూ, వాళ్ళ కుటుంబానికి సమయాన్ని కేటాయిస్తూ, పెంచుకున్న పెంపుడు జంతువులతో గడపడానికి ఇష్టపడతారు. మొన్న జరిగిన హుద్‌ హుద్‌ ప్రమాదానికి సెలబ్రెటీస్‌ అందరినీ ఒకే దగ్గరికి చేర్చి ”నేను సైతం” అనే కార్యక్రమాన్ని నిర్వహించారు. అది అక్కడి ప్రజలకి ఆర్థికంగా ఉపయోగపడింది. సెలబ్రెటీస్‌ కోసం ప్రాణ త్యాగం చేసే అభిమానులున్నారు. ఎలాగంటే తమ అభిమాన హీరో మూవీ ఫస్ట్‌ షో చూడాలని టిక్కెట్ల కోసం లైన్లో నిల్చోని తొక్కిసలాటలో ప్రాణం విడిచేవారు, రాజకీయ నాయకుల కోసం మా అన్న అధికారంలోకి రావాలి, లేదంటే ఆత్మహత్య చేసుకుంటాం అని బెదిరించి అన్నంత పనీ చేసిన వారున్నారు. ఓ క్రికెటర్‌ సిక్స్‌ కొడితే చప్పట్లు కొట్టే ఈ జనమే డక్‌అవుట్‌ అయితే అప్‌సెట్‌ అవుతారు. పొద్దున్నే లేస్తూ, రాత్రి పడుకునే వరకు ఉన్న నేమ్‌నీ, ఫేమ్‌ని ఎలా కాపాడుకోవాలో అని ఆలోచించే స్థితి ఇప్పటి సెలబ్రెటీస్‌ది.

ఇలాంటి సెలబ్రెటీస్‌ని ఆదర్శంగా తీసుకొని లైఫ్‌ అంటే వీళ్ళదే అనుకొని మనలాంటివాళ్ళు అయితే యాక్టర్‌ లేదంటే లీడర్‌ అదీ కాకుంటే స్పోర్ట్స్‌పర్సన్‌ అవ్వాలని ఆశపడి ఉన్న ఊరినీ, తల్లిదండ్రులనీ వదిలేసి వెళ్తుంటారు. మనలో ప్యాషన్‌ ఉంటే ఆ వృత్తిలోకి దిగడం వేరు, వాళ్ళ లైఫ్‌ రిచ్‌గా ఉంటుందని ఊహించుకొని రావాలి అనుకుంటే మాత్రం ఫెయిల్‌ అవ్వడం ఖాయం. సెలబ్రెటీస్‌ కోసం ప్రాణం పోగుట్టుకున్న వారికి ఏంచేయ్యగలరు సానుభూతి తెలపడం మినహా. లేదా ఆర్థికంగా కొంత సొమ్ము ఇచ్చి ఊరుకుంటారు. దీనివలన ఎవరికి లాభం ప్రాణం అయితే తిరిగి రాదుగా. ఎంత డబ్బు పెడితే మాత్రం ప్రాణం తిరిగి వస్తుంది. సెలబ్రెటీస్‌ ఏది చేసిన పేపర్లోనూ, టీ.వీ.ఛానల్స్‌లో పెద్ద పెద్ద అక్షరాలలో చూపించి చెప్పిందే చెపుతుంటారు.

వాళ్ళు మాత్రమే సెలబ్రెటీసా ఓ కామన్‌మేన్‌ మాత్రం సెలబ్రెటీస్‌ కాదా? ఈ అనుమానం మీకు ఎప్పుడూ కలగలేదా? దేవుడు ఇచ్చిన వరంలో మనిషి పుట్టుక ఒకటి ఏ జంతువు లాగో పుట్టించకుండా మనుషులలాగా పుట్టించాడంటే ఆ జన్మకి ఒక పరమార్థం ఉంటుంది. అందుకే ఓ కామెన్‌మేన్‌ కూడా సెలబ్రెటీయే. టాలెంట్‌ని నమ్ముకొని పైకి వచ్చే ప్రతీ ఒక్కరిలోనూ సెలబ్రెటీ ఉంటాడు. మానవ సంబంధాలకి ఉన్న విలువలని గుర్తించి వాటి విలువలని కాపాడుకుంటూ, ఆపదలో ఉన్న సాటి మనిషికి మానవత్వం రూపంలో ముందుకు వచ్చి సహాయం చేసిన ప్రతివాడూ సెలబ్రెటీయే.

సెలబ్రెటీస్‌పై అభిమానం పెంచకొని వాళ్ళపై ఏదైనా రూమర్స్‌ వస్తే నానా హంగామా చేస్తారు. మరికొంత మంది ఇవన్నీ పట్టించుకోకుండా ఇంతకన్నా ఆసక్తికరమైన విషయం లేదన్నట్లు చదువుతూ, ఎంజాయ్‌ చేస్తారు. ఎదుటి వారి లైఫ్‌ని చూసో, ఓ సెలబ్రిటీని చూసో నా జీవితం ఎందుకు అలా లేదు అని అనుకోకండి. మనకి తెలిసింది చేద్దాం అందులోనే కష్టపడదాం. దిబెస్ట్‌ అనిపించుకుందాం.

డబ్బు కోసమో, పేరు కోసమో, పనికోసమో సెలబ్రెటీ అనిపించుకోకుండా మంచి మనస్సు, మంచి ఆలోచన ఉన్న ప్రతీ ఒక్కరిలో ఓ సెలబ్రెటీని చూసుకుందాం వాళ్ళే కామన్‌మేన్‌.

Keerthana M

Keerthana M

Keerthana completed her graduation and is now pursuing PG DIPLOMA IN JOURNALISM (PGDJ) in AP College of Journalism. Her interests inlcude singing, writing stories, composing tunes to her own songs.
Keerthana M

6 thoughts on “నేను కాదా సెలీబ్రిటీ ని?

Leave a Reply

Your email address will not be published. Required fields are marked *