Category: Telugu

  • ‘అమ్మాయి ఆదిపరాశక్తి’

    నిన్న మార్కెట్‌లో కూరగాయలు కొంటుంటే అలా నా చెవిలో ఓ మాట వచ్చి పడింది – ‘అబ్బా! ఆ అమ్మాయి భలే అందంగా ఉంది కదరా’ అంటూ ఒక అబ్బాయి నన్ను చూస్తూ తన పక్కన వాడితో చెబుతున్నాడు. ఆ మాటలు విన్న ఏ అమ్మాయికైన కాస్త కోపం వచ్చినా మనసులో మాత్రం గాల్లో తెలిపోతూ, ఎక్కడికో వెళ్ళిపోతుంటుంది. కోపం ఎందుకు? ఎవడో తెలియని వాడు తనగురించి మాట్లాడుతున్నందుకు కోపం వచ్చినా మనసులో కాస్త సంతోషంగానే ఉంటుందండోయ్‌! ఎంతైనా అది పొగడ్త కదా!

    కాని ఈ మాట నన్ను ఒక ఆలోచనకు గురి చేసింది. మదిలో ఓ పెద్ద యుద్ధమే అనుకోండి. అసలు ‘అందమైన’ అమ్మాయేంటి? అమ్మాయే అందం. నాకు తెలిసి దేవుడి సృష్టిలో ఓ అపూరపమైన మాయ స్త్రీ. అలాంటి ఆమెను ‘ఆడ’ (అక్కడ) ఉండాల్సిన పిల్ల అంటూ దూరం పెట్టేస్తుంటారు ఎందుకు?

    కాటుక కళ్ళు, ముక్కుపుడకతో మురిపించే ముక్కు, పెదవులపై ముసిముసి నవ్వులూ, విశాలమైన నుదురూ, అబ్బా. ఎంత చెప్పినా తక్కువే. ఆడపిల్ల అంటే భారం అంటుంటారు. అందరి భారం మోసే ఆ తల్లి భూదేవి కూడా ఆడదేగా. ఆ విషయం గుర్తేరాదు ఎవరికీ? ఎందుకలా?

    నిజానికి చెప్పాలంటే, స్త్రీ కోసమే పుట్టిన ఆభరణాలకే మాటలు వస్తే అవి ఎంత మురిసిపోయేవో? కాని ఏం లాభం? మాటలొచ్చిన ఈ ప్రపంచానికి మాత్రం స్త్రీ అంటే ఎప్పటికీ చులకనే!

    ఆమె ఆపాదమస్తకాన్నీ అలంకరించడానికి నైల్‌ పాలిష్‌లూ, గోరింటాకులూ, మెడలోకి గొలుసులూ, చేతికి గాజులూ, కాళ్ళకి పట్టీలూ, నడుముకి వడ్డానమూ, చెవులకి ఝంకాలూ, పాపిడి బిళ్ళా ఇలా ఒకటేంటి, అన్నీ ఆమె కోసమే పుట్టాయి. వీటిని బతికిస్తున్నారే కాని ఆమెను ఎక్కడైనా బ్రతకనిస్తున్నారా?

    పాపం! ఆ చిట్టి తల్లి, ఇంటికోసం ఎంత కష్టపడుతుంది. ఇంటికి పనిమనిషిలా, పిల్లలకు అమ్మలా, భర్తకు సుఖాన్నిచ్చే భార్యలా, ఒక కోడలిగా కూతురిగా ఎన్ని పాత్రలు పోషిస్తుంది. అవేవీ గుర్తుపెట్టుకోకుండా పురిటిలోనే చంపేస్తున్నారెందుకు?

    నాకు ఎప్పుడూ ఓ అనుమానం ఉంటుంది. అదేంటంటే భర్త కోసం దేవుడి దగ్గర కాంట్రాక్ట్‌ తీసుకుని ఎన్నో స్కీములపేరుతో ఉపవాసాలు ఉంటుంది. అదేనండి! నోములూ వ్రతాలని ఎన్నో చేస్తుంటారుగా మరి ఈ స్కీములన్నీ ఆడవారికే ఎందుకు? మగవారికి వర్తించవా?

    అమ్మగారింటి నుండి అత్తగారింటికి పంపిచేటప్పుడు ఇక ‘నీ భర్తే నీకు దేవుడు’ అని చెప్పడమే వింటాం కానీ అబ్బాయికీ ఏ ఒక్కరైనా ‘నీ భార్య నీకు దేవతతో సమానం. ఆమెను మంచిగా చూసుకొ’ అనే ఓ చిన్న మాటకూడా అతడి చెవున పడేయరెందుకు?

    ఇంత బంగారు తల్లిని అమ్మ బొజ్జలో ఉన్నప్పుడే చంపేస్తుంటారు ఎందుకు? కానీ… అలా చంపేయడమే ఓ కందుకు మంచిదేమో! ఎందుకనుకుంటుంన్నారా పెరుగుతున్న ఆమె వయసు మీద కన్నేసి ఆమెను మరీ కౄరంగా అత్యాచారం చేసి చంపేస్తున్నారు. ఇంత హింస పెట్టి చంపే బదులు అమ్మ నన్ను నీ కడుపులోనే ‘చంపేసి-బతికించు’ అని ఆ చిన్నారి తల్లి ఏడ్చేస్థాయికి వచ్చేలా ఉందీ లోకం.

    ‘అన్నయ్యా! అని పిలిచిన ఆమెకు రక్షణ ఇవ్వటం మాని ఆ అన్నే తనపై అఘాయిత్యం చేస్తున్న రోజులివి. చదువు చెప్పే మాస్టారే చప్పుడు చేయకుండా విద్యార్థిని చంపేస్తున్న కాలమిది. ఇలా వాడు-వీడు అనే తేడానే లేదు. ప్రతీ ఒక్కరికీ ‘స్త్రీ’ శరీరం మీదే కన్ను.

    కానీ ఒక్క మాట మాత్రం నిజం – ఆమె ఓపికను పరీక్షిస్తున్న ఈ లోకాన్ని అంతు చూడటానికి ఎప్పటికైనా ఆది-పరాశక్తి రానే వస్తుంది. ఆ రోజు పండు వెన్నెలలో నిప్పుల వర్షం కురవడం మాత్రం తధ్యం.

  • చైల్డ్‌ లేబర్‌

    చైల్డ్‌ అంటేనే పసితనం అందరిలా సాటిపిల్లల్ని చూస్తూ అనందంగా ఆటపాటలతో గడిపే వయస్సులో కష్టాన్ని నమ్ముకుంటూ బ్రతుకు బండిని మోసేవారిలో ఈ పసిపిల్లలే ఎక్కువుగా కనిపిస్తున్నారు. ఈ వయస్సులో ఏం తెలుసు అని ఇలాంటి జీవితాన్ని చూస్తున్నారు? బ్రతుకు బండిని నడిపేదే డబ్బు ఈ విషయాన్ని జీర్ణించుకోవడానికి కటిక బిదవాడి దగ్గర నుండి ఏడు అంతస్తుల మేడలో ఉన్న గొప్పవాడికి కూడా డబ్బులేనిదే పూటగడవదు. ఉన్నవాడికి వాడికి డబ్బు విలువ తెలీదు. లెనివాడికి డబ్బు విలువ తెలిసినా ఆ విలువని కాపాడుకోవాలని ఉన్నా చేతిలో చిల్లిగవ్వ ఉండదు. ఏ మనిషైనా జీవించడానికి మూడు కారణాలు – (1)తినడానికి తిండి (2)కట్టుకోవడానికి గుడ్డ (3)ఉండడానికిచోటు (ఇళ్లు).

    ఇంతకన్నా అవసరాలు ఏం ఉంటాయి?ఓ పేదవాడికి వీటికి సరిపడా డబ్బు ఉంటే చాలు అంతకన్నా గొప్పగా అలోచించలేడు. అలా అలోచించాలి అనుకున్న తన జీవన శైలిని గుర్తు చేసేవారెే ఎక్కువ ఆ అలోచనకి అలవాటు పడిపోతున్నారు. పిల్లలు మంచికీ, చెడుకీ తేడా తెలీని వయస్సులో అభం శుభం తెలియని చిన్నారులని ఏ కూలి పనికి పంపడమో లేక ఎవరి కిందనో ఒక బానిస గా పనికి పంపడం లాంటివి చేస్తున్నారు. తల్లేమో ఆ ఇంటా, ఈ ఇంటా పాచి పని చేస్తే, తండ్రి తాగుడికి బానిసై కట్టుకున్న భార్యనీ, తని బిడ్డనీ అంగడిలో సరుకుగా బేరం కుదిరించుకుంటాడు. ఇటు వీళ్ల చేతగాని తనం వల్ల పసిపిల్లలు తమ బాల్యంలోనే పేదరికాన్ని ఎదుర్కోంటున్నారు. హోటల్లో పనిచేస్తూ ఇళ్లల్లో పనిచేస్తూ కూలి పనులకి వెళ్తూ ఇంటికి ఆసరాగా నిలుస్తున్నారు.

    ఫ్వాక్టరీల్లో పనిచేస్తూ యంత్రాల్లో చేలి వేళ్లు పోగోట్టుకొన్న పిల్లలను చూస్తే జాలి వేస్తుంది. కానీ, ఏం లాభం! కెేవలం జాలి పడడానికి ఉంటాం అంతకన్నా ఏమి చేయ్యలేం అంటూ చేతులు దులుపుకుంటారు. ఎన్ని ప్రభుత్వాలు వచ్చినా ఎన్ని కొత్త చట్టాలు వచ్చినా ఈ పరిస్థితుల్లో మార్పు ఏ మాత్రం లేదు.

    కల్మషం లేని మనస్సుగా గుర్తిస్తారు పిల్లలని. మరి ఈ పసితనంలోనే వారి అలోచనలూ, పద్ధతులూ ఒక్కోసారి పెద్దవాళ్ళ ధోరిణిలాగే అనిపిస్తుంది. ఓ యజమాని తన పనికోసం ఓ పసివాడిని పనిలో పెట్టుకుంటాడు. స్కూల్లో ఓ విద్యార్ధే తన సాటి విద్యార్ధి పై చులకన భావం చూపడం… తన బ్యాగు, టిఫిన్‌ డబ్బాని అవతలి వాడికి ఇచ్చి తెమ్మని చెప్పటం వంటివి చూస్తునే ఉంటాం. అంటే ఇక్కడ వాడికి నాకన్నా తక్కువ అన్న బావన. రైతు వల్లే మనకి తిండి దొరుకుతుందన్నది ఎంత సత్యమో, ఈ లేబర్‌ వల్లే గొప్ప ఇంటి వారి పనులు సకాలంలో జరుగుతున్నాయి అన్నదీ అంతే వాస్తవం.

    చిన్నతనంలోనే తమ కుటుంబ పరిస్థితులు అర్థం చేసుకుంటూ బాధ్యత తీసుకొని పనికి వేళ్ళే పిల్లలు ఉన్నారు. వాళ్ళ అవసరాలకి తల వొంచి ఒకరి దగ్గర పని చేస్తే ఆ యజమానులు మాత్రం వాళ్ళని చులకనగా చూస్తూ ఆడపిల్లలపై ఆత్యాచారాలు చేస్తున్నారు. ఏ మాత్రం కనికరం లేని ఇలాంటి మృగాలకి అభం శుభం తెలియని పసి పిల్లలు బలి అవుతున్నారు వయస్సుకు మించిన బరువు మోస్తూ బ్రతుకుని భారంగా ఈడ్చుకెళ్ళుతున్నారు.

    చదువుకున్న వాడు పైకి రాగలడానికి కారణాలు ఏమిటి? మిమ్మల్ని ఎవరు ప్రోత్సహించారు అని అడిగితే ఏం చెబుతారు? తమ గురువుల పేర్లో, తమ తల్లిదండ్రుల గురించో చెబుతారు. అదే ఒక చైల్డ్‌ లేబర్‌ని నీ స్థితికి గల కారణం ఏమిటీ అని అడిగితే ఏం చెబుతారు? అస్సలు చెప్పగలరా? ఏమో, ఇంట్లో అయ్య చెప్పిండు పనికి వెళ్ళమన్నాడు అంటారు. పిల్లలకు మంచికీ, చేడుకీ తేడా తెలియజేసేటట్లుగా వాళ్ళలో నైపుణ్యాన్ని పెంచగలిగాలి. దీనికి తల్లిదండ్రుల ప్రోత్సాహంతో పాటు పుస్తకాల్లో పాఠాల్లాగ నేర్పించగలిగితే ఇందులో కొంతవరకైనా మార్పులు రావచ్చు.

    లేబర్‌ గా ఎదిగే పిల్లలలో ఏదో ఓ కథ దాగి వుంటుంది. దాన్ని తెరిచి చదవడం మొదలు పెడితే అందులోని లోటుపాట్లు తెలుస్తాయి. ఈ చైల్డ్‌ లేబర్‌ని అరికట్టాలంటే అందరిలోను దీనిపై అవగాహన పెంచాలి.

  • సోషల్‌ నెట్‌వర్క్స్‌

    ఏవండోయ్‌, ఇక నటించింది చాల్లేండి! లేవండి షాపింగ్‌కి టైమ్‌ అయ్యింది. నేనా? నటిస్తున్నానా? నిజంగా నిద్రపోతుంటే ఏంటే నీ గోడవ! అబ్బో, మీరు అబద్ధం చెబుతారేమో కాని మీ వాట్సాప్‌ (whatsapp) లోని లాస్ట్‌ సీన్‌ మాత్రం అబద్ధం చెప్పదండోయ్‌! అనే స్థాయికి సోష్‌ల్‌ నెట్‌వర్కింగ్‌ సైట్లు వచ్చేసాయంటే నమ్ముతారా!

    ఇక పిల్లల విషయానికొస్తే స్కూలు-కాలేజీల్లో ఇచ్చిన హోం వర్కులు చేస్తున్నారో లేదో తెలియదు కాని అన్ని సోషల్‌ నెట్‌వర్కులలో స్టేటస్‌లు (status), ఫోటోలు అప్‌డేట్‌ చేయడం మాత్రం మర్చిపోవట్లేదు. ఇంక అసలు ఏ పనీ -పాట లేని వారి గురించి చెప్పనక్కర్లేదు. పొద్దున లేచి కాక హోటల్‌లో తాగిన ‘ టీ ‘ దగ్గర నుంచి రాత్రి పడే ‘డోస్‌’ వరుకు అందరికి తెలియజేయడానికి ఈ సోషల్‌ నెట్‌వర్కులను బీభత్సంగా వాడేస్తుంటారు. అలా అన్ని మంచి-చెడూ తేడా లేకుండా అన్ని వీటి ద్వారా చెప్పేస్తుటారు.

    ‘మా బామ్మ చనిపోయింది’ అని ఒక్క స్టేటస్‌ పెట్టి ఆమె ఫోటోకి దండేయకుండా నైనా సరే ఒక్కసారి ఫేస్‌ బుక్‌లో అప్‌డేట్‌ చేస్తే చాలు, ఓ వంద లైక్‌లు యాబై RIPలు అదేనండి Rest-in-Peace  కమెంట్ల రూపంలో ఎగిరొచ్చి పడిపోతాయి. ఇలా ఒకటి కాదు – రెండు కాదు జీవితంలోని ప్రతీ నిమిషం గురించి సోషల్‌ నెట్‌వర్కింగ్‌ సైట్‌లలో పెట్టేస్తుంటారు. ఇప్పుడు కాలంలో ఓ మనిషి గురించి తెలుసుకోవాలంటే వాడి ఫేస్‌ ని చూడనక్కర్లేదు. వాడి ఫేస్‌ బుక్కుని బ్రౌజ్‌ చేసేస్తేచాలు.

    ఈ మధ్య కాలంలో మనిషి దేవుడ్ని దర్శిస్తున్నాడో లేదో కాని మన గూగుల్‌ తల్లిని దర్మించడం మాత్రం మరవట్లేదు. ఈ సోషల్‌ నెట్‌వర్కులలో ప్రాముఖ్యతను గాంచిన దేవుళ్ళు చాలానే ఉన్నాయండోయ్‌. ఫేస్‌ బుక్‌ దేవుడు, ట్విటర్‌ దేవత, యూట్యూబ్‌, గూడుల్‌+, యాహు అని చాలా రకాల భగవంతులను ఇంటర్‌నెట్‌ లో ఆన్‌లైన్‌ దర్శనం చేసుకోవచ్చు.

    మన ప్రభుత్వం జనాభలెక్కల కోసం ఫేస్‌బుక్కుని పరిశీలిస్తే చాలు ఇట్టే అందరి వివరాలు తెలిసిపోయే పరిస్థితిలో ప్రపంచం ఉంది.

    ఒక నెలలో యూట్యాబ్‌కు ఒక బిలియన్‌ ప్రేక్షకులు వస్తారంటే నమ్ముతారా! ఏ టీ.వి చానల్‌కు కూడా ఇంత మంది ప్రేక్షకులు లేరు. మరి నేనేం తక్కువ తిన్నానా అంటూ ఫేస్‌బుక్‌ కూడా పది మిలియన్‌ యాప్స్‌తో అందరిని ఆకర్షిస్తుంది. ఒక్క గూగుల్‌+ లోనే అక్షరాల మూడువందల నలభైౖ మూడు మిలియన్‌ల వినియోగదారులున్నారంటే నమ్ముతారా!

    మరి వీటిని ఇంతగా ఎందుకు వినియోగిస్తున్నారో తెలుసా! ప్రతీ మనిషికి తప జీవితం కంటే ఎదుటి వారి జీవితం మీదే ఆశ ఎక్కువ. ఈ ఒక్క కారణంతో సోషల్‌ నెట్‌వర్కులు ప్రపంచాన్నే ఏలేస్తున్నాయి. మనిషికి తన జీవితంలో ఇవీ ఒక భాగమైపోయాయి.

    మనిషికి నడకలు నేర్పిస్తున్నాయి. మనిషని నడిపిస్తున్నవి కూడా ఇవే! ఒక మనసుని – ఇంకో మనసుతో కలుపుతున్నవీ ఇవే ! పలానా కష్టం వచ్చిందని ఒక మాటలో స్టేటస్‌ (status) పెడితే చాలు వంద చేతులు మన కోసం వచ్చేస్తాయి. ఇంత బిజీ ప్రపంచంలో మనుషులను కలుపుతున్నది ఈ సోషల్‌ నెట్‌వర్కులే. దూరాన్ని కూడా దగ్గరగా చేసేస్తున్నాయి.

    అసలు మాట్లాడటానికి ఇష్ట పడని వాటి గురించి కూడా ఇక్కడ చర్చలు జరిగిపోతుంటాయి. ఒక విషయం గురించి ఒక్క ట్వీట్‌ చేస్తే చాలు లిప్త పాటు సమయంలో ఇది అందరికి చేరిపోతుంది. కొన్ని క్షణాల్లోనే మిగిలిన వారి రిప్లయ్‌లు (reply) రెస్పాన్స్ (response) లు వచ్చేస్తుంటాయి. ఎక్కడా వీలుకాని స్పందన – ప్రతిస్పందన ఇక్కడే సాధ్యమవడమే దీని ప్రత్యేకత.

    ఈవెంట్స్‌కు ఇన్విటేషన్లు, బిజినెస్‌కు సంబంధించిన ఏవైన సరే ఇక్కడ మనకు కనిపిస్తాయి. గేమ్స్‌, యాప్స్‌, లైక్స్‌, కమెంట్స్‌, గ్రూప్‌లు ఏది కాదు- ప్రతీది ఇక్కడ ఉంటాయి.

    ఇంకోందరైతే రెంట్‌ కట్టే పనిలేకుండానే సోషల్‌ నెట్‌వర్కుల్లో షాపులు తెరచేసి నగలని, చీరలని, పిల్లలకు సంబంధించినవి బొమ్మలని-బట్టలని ఒకటి కాదు రెండు కాదు ప్రతీది అమ్మేస్తుంన్నారు. ఎలక్ట్రానిక్‌ వస్తువులు కూడా మనతో ఇక్కడే కొనిపించేస్తున్నారు. ఇలా షేరింగ్‌ అండ్‌ లర్నింగ్‌  ఇక్కడే సాధ్యమని చెప్పాలంటే

    లక్ష్మీ దేవి సరస్వతీదేవి ఇద్దరూ ఈ సోషల్‌ నెట్‌వర్కుల ద్వారానే మన ఇంటికీ వచ్చేస్తారు !